《毒舌大状》创纪录惹差评，导演吴炜伦拒争拗

贺岁片《毒舌大状》上映不足一月已超过9800万票房（截至19日下午3时），荣登香港史上最高票房港产片及亚洲电影，过亿票房不是梦。首次执导便有此佳绩，编剧出身的导演吴炜伦（Jack）坦认感觉好唔真实，亦未敢承诺开拍续集，但强调想原班人马再合作。虽然处男作创下多项纪录，但负评亦排山倒海，如被批有浓烈电视味，Jack导另有一番见解，更自爆早已学识应对网上评论，“同网民讲道理输梗”，总之有好坏意见都接收，睇过就算。

Jack导于首映礼后估计票房较子华的5000万多800万，对于现在近亿元的佳绩，他最开心证明香港观众冇离弃港产片，“好多年冇入戏院睇港产片嘅朋友都睇咗，证明部戏好睇或者有话题性，香港人仲有兴趣行入戏院，对所有香港电影人确实系打咗一支强心针，信心好紧要。”Jack导坦言曾经历一段好惨的时候，“几努力几辛苦做完出嚟冇人理，几失望同灰心，希望由旧年开始、今年、出年起码要保持到大约3年，有啲比较高质港产片出现，香港观众真系正正式式对港产片重拾返信心，呢样嘢我觉得系好重要。”

创作人希望拍新题材

戏院重开加上取消所有防疫措施后，从票房可睇到观众是报复式入场，但并非每部电影都有好成绩，证明观众会有选择，到底《毒舌》成功要素在那？Jack导认为观众压仰得太久，“睇完套戏会有畅快感，或者好多人形容系爽，舒口气感觉，呢样嘢都几重要，亦可能系获得咁嘅成绩关键，当然任何一部戏去到咁嘅成绩，一定系天时地利人和，《毒舌大状》绝对唔排除好运因素，因为拍时都冇谂过摆贺岁档。”

提到人生第一次执导，Jack导表示系一个好神奇的旅程，“做前期已好开心，制片都同我讲唔似做紧电影，因为未试过有咁多笑声出现喺office，大部份幕后系我帮林超贤导演时合作过，好有默契，落一个柯打已经知点做，亦都做得啱做得好，所以由前期到拍摄再到后期，都系好畅快嘅拍摄经验，真系爽，拍戏系好辛苦嘅事，同班合作得好开心嘅人一齐做，我会非常珍惜呢啲机会。”对于获集气拍《毒舌》续集，Jack导坦言想原班人马再合作，「系咪续集要再谂一谂，虽然呢个剧本冇写《梅艳芳》咁耐，但都写咗年半，由剧本开始到上映都差唔多两年，续集都需要咁样时间，作为创作人都觉得会闷，都希望系新题材。”

对网上评论睇过就算

Jack导都有留意《毒舌》被评有电视味，他认为讲法太狭隘，“过往亦有好多电影系good ending，唔局限电视剧，亦唔局限喺TVB，譬如我最欣赏嘅《大时代》，当年都唔系good ending，‘悭妹’（周慧敏）都系死，所以讲法太笼统，讲返《毒舌》好似系good ending，拉咗‘董大状’（王敏德）同埋‘钟氏夫妇’（栢天男及廖子妤），但点知佢哋走唔走得返出嚟，都唔系一定有事㗎！你估‘董大状’流，喺司法界咁多年总有方法甩身，亦都可能帮到‘钟氏夫妇’甩到，只不过我冇拍出嚟！”他又解释本身想将电影拍出有希望的感觉，“呢样嘢我由写剧本时已想做，我要拍个希望出嚟，就要拍个类似大团圆结局，唔能够所有嘢都崩溃甩漏，仲话畀人听有希望，大佬你想我点呀，咁冇可能㗎嘛！”

现今世代，创作人要面对各种网上批评已是常态，Jack导亦已习惯，“有啲好明显系未睇过都闹，甚至系睇咗之前嗰几个comment就跟住闹都有，我唔介意批评，就算无理取闹都好，我自己觉得，今时今日喺香港仲有得讲咪讲啰！仲有得闹咪闹，你钟意讲乜都好啦！”日前他返母校演艺学院为师弟妹做讲座，亦有分享面对网上批评的态度，他认为首先要练到心脏够强壮，“作为创作人你系冇得上去同人拗，点解唔可以？唔系讲紧你有冇言论自由呢个层面，而系网上嗌交，到头来赢嗰个一定系唔讲道理嗰个，网上冇人嗌交讲道理系会赢，一定系最野蛮讲到最离谱，最离题突然弹句唔知乜嘢，一定系嗰啲赢，跟住你就要行开，但系作为创作人，你又冇得同佢唔讲道理，你讲道理，人哋唔讲道理你输梗㗎嘛！成件事一定变咗泥浆摔角，所以我同佢哋讲，你几想抗辩都系唔好咁做，要学习嘅嘢摆咗喺心就OK，其他嘢你睇过就算。”

Jack导笑言网民不时会有好意见，会警惕自己不再犯，如《毒舌》中“太子”（Dee）同方家军（杨偲泳）去警署见已被拉的子华，提到私家侦探查到钟氏夫妇买了机票，上庭后会即走，“有comment就话，钟家咁有钱，佢哋唔系坐私人飞机而系买机票嘅，我一睇都觉得错咗，自己系贫穷限制想象。”

[超站]友情链接：

四季很好，只要有你，文娱排行榜：https://www.yaopaiming.com/
关注数据与安全，洞悉企业级服务市场：https://www.ijiandao.com/